Mos e krahaso veten me të tjerët
5. shkurt e enjte
“Secili…të ketë arsye të mburret vetëm për veten e tij dhe jo lidhur me tjetrin” Galatasve 6:4
Pali shkroi: “Dhe secili të analizojë veprën e tij dhe atëherë do të ketë arsye të mburret vetëm për veten e tij dhe jo lidhur me tjetrin. Sepse secili do të mbajë barrën e vet” (v. 4-5). Jezusi ishte këmbëngulës në këtë. Pas ringjalljes, Ai iu shfaq disa prej ndjekësve të Tij. Ai i dha Pjetrit një detyrë specifike pastorale që përfshinte sakrificë të madhe. Pjetri iu përgjigj duke treguar nga Gjoni dhe duke pyetur: “‘Zot, dhe me të ç’do të bëhet?’. Jezusi iu përgjigj: ‘Nëse dua që ai të mbetet derisa të vij unë, ç'të duhet? Ti ndiqmë!’” (Gjoni 21:21-22). Me fjalë të tjera, qëndro i përqëndruar në detyrën tënde.
Një djalë i vogël me emrin Adam donte të bëhej si shoku i tij Bobi. Adamit i pëlqente shumë mënyra se si ecte dhe fliste Bobi. Megjithatë, Bobi dinte të bëhej si Çarli. Kishte diçka në lidhje me hedhjen e hapit dhe theksin e Çarlit që e intrigonte Bobin. Çarlit nga ana tjetër i bënte shumë përshtypje Deni. Çarli donte të dukej dhe të fliste si ai. Deni, mbi çdo gjë tjetër, kishte edhe ai një hero: Adamin. Ai donte të ishte si Adami. Kështu, Adami ishte duke imituar Bobin, i cili po imitonte Çarlin, i cili po imitonte Denin, i cili po imitonte Adamin. Na doli se gjithçka që duhej të bënte Adami ishte të isgte vetvetja!
Ti mund të mësosh prej të tjerëve, por ti mund të gjesh gëzim dhe përmbushje vetëm në të qënurit ai që Perëndia të ka krijuar të jesh. Prandaj, qëndo në arën tënde. Vrapo garën tënde. Asgjë e mirë nuk ndodh kur ti e krahason veten dhe konkuron me të tjerë. Për më tepër, Perëndia nuk do të të vlerësojë dhe shpërblejë ty sipas talenteve të të tjerëve, por sipas besnikërisë tënde ndaj dhuratave që Ai të ka dhënë. Ti nuk je përgjegjës për natyrën e dhuratave të tua, por për mënyrën se si ti i përdor ato.
