Pse i rezistojmë ndryshimit? (1)
26. qershor e mërkurë

“O Perëndi, na përtëri fuqitë, bëje fytyrën tënde të shkëlqejë dhe ne do të shpëtojmë” Psalmi 80:3, KJV

Kur Kristofor Kolombi u kthye në Spanjë, ai u konsiderua një hero kombëtar dhe u kreditua me zbulimin e tokave të reja. Por a mendoni juve se njerëzit ndryshuan mendjen për besimin se toka ishte e sheshtë? Aspak - ata vazhduan të besojnë se toka është e sheshtë. Vetëm kur ai brez kaloi dhe brezi tjetër zuri vendin e tyre, njerëzit e kuptuan se toka ishte e rrumbullakët, ashtu siç kishte thënë Kolombi. Kaq kohë iu desh njerëzve të ndryshonin mendjen - një brez i tërë! Ne të gjithë i rezistojmë ndryshimit.

Dr. John Maxwell shkruan: “Për shumë vite, mendoja se udhëheqësve u pëlqente ndryshimi dhe të gjithë të tjerëve jo. Si një udhëheqës largpamës, gjithmonë ndjeja se po tërhiqja ndjekës ngurrues në të ardhmen. Por më në fund kuptova se udhëheqësit nuk e pëlqejnë ndryshimin më shumë se ndjekësit, përveç se, sigurisht, nëse është ideja e tyre!”. Le të jemi te sinqertë, ndryshimi është i vështirë për të gjithë. Shkrimtari Mark Twain tha: “I vetmi person të cilit i pëlqen ndryshimi është një bebe e porsalindur”.

Me të vërtetë, ndryshimi është një nga pengesat më të mëdha që do të hasim ndonjëherë. Përse ndodh kjo? Në fund të fundit, a nuk kërkon përparimi ndryshim? Dhe a nuk kërkon rritja gjithashtu? Ne nuk mund të lëvizim përpara dhe të rrimë në të njëjtin vend. Kështu që për ditët në vazhdim, ne do të flasim se përse i rezistojmë kaq shumë ndryshimit. Duke pranuar natyrën e tij kokëfortë dhe frikën e tij ndaj ndryshimit, në katër raste të ndryshme Davidi u lut: “Kthena ne përsëri, o Perëndi”. Kjo është sikur të lutesh: “Zot, kam nevojë të ndryshoj, por kam frikë të ndryshoj, kështu që më bëj mua të vullnetshëm të ndryshoj”. Dhe kjo është një lutje të cilës Perëndia do t’i përgjigjet për ty, prandaj, sot, fillo të lutesh.